GODEFRIDUS Bullionaeus

GODEFRIDUS Bullionaeus

fil. Eustachii, Comitis Bononiensis ex Ida, sorore Gozelonis vel Godefridi Gibbosi, qui ipsi inf. Lotharingiam reliquit. Invicti animi, plurimis in locis, in expeditionibus inprimis Henrici IV. Imp. specimina edidit, hinc sacrae militiae in Concil. Claromont. decretae, caput lectus, et cum exercitu 300000. in Orientem profectus Niceâ, Antiochiâ, Edessâ, etc. captis, Hierosolymam expugnavit, A. C. 1099. Regium titulum et coronam sibi Victori oblatam, modeste recusans, in urbe, quae Regem Regum spinis coronatum vidislet. Sultanum postea Aegyptium, nascentis Regni primordia magno exercitu disiecturum, vicit, 100000. hostium caesis. Hinc totâ Palaestinâ, paucis locis excepris potitus, Obiit post regnum unius anni. A. C. 1100. Successit ei Balduinus Frater. Gul. Tyrius, l. 1. 2. et seqq. Eell. sacri. Guibert. Gesta Dei per Francos. Erat hic Godefridus, quartus Lotharingiae Dux huius nominis. Primus, cogn. Barbatus, ab Ottone Imp. adoptatus est. Secundus, in Italiam transiit, ibiqueve Beatricem, Bonifacii March. Italiae viduam duxit. Tertius Godefridus gibbosus fuit, de quo supra. Rozier. de Stemm. Lothar. Lamberr. Hist. Germ. De Gadefrido, Godefridi Lotharingi filio anniculo, qui in cunis vagiens, Grimbergenses triduano praelio superavit, A. C. 1144. Vide Chiron. Belg. Laetum Comp. Hist. etc. ut et infra.